الرئيسية | تفاصيل المهرجان | كلمة المهرجان | ألبوم الصور | التسجيل الكامل | قصيدة المهرجان | مسابقة التصوير الفوتوغرافي | معارض الصور

 

 

قصيدة المهرجان للشاعر حسين البهادلي

رئيس جمعية الادباء الشعبيين في محافظة واسط

منصتك شرفتني لأن ولدت جيل
كل أخلاق واسط بيهه تتجمع
يـل زارع مـحبه إبيـن كل الــناس
إبوكت غيرك بقت عبوات بس تزرع
عمي إختار گلبي أكبر گلب بالكوت
لأن شايل الكوت إبناسهه الأجمع
من شيمة العزه لنخوة الأنوار
ولحد فزعة الشرقيه من تفزع
أنه إبعزة نفس أجرع زهر وأرتاح
بس إبذله گطرة عسل ما أجرع
بالغربه متت من سافرت فد يوم
و وصلو للدفن وياي .. وبعد إسمع
وعلي ربك ستر حطو إگبالي إقماش
كتبو واسط وگام النفس يرجع
هيچ أني عشگتك عشگ ليلى وقيس
وعلى دجلتك گام أشعاري تتوزع
على نيتك أعرفك صار تسع إسنين
صافي ومن بياض الثلج بعد أنصع
لأن أنت أثبتتلي وأخص هالأيام
بس عطر الورود إيسكت المدفع
المدينة التقتل إبكل مبدعيهه الكوت
بس أنت حييته المن صدگ أبدع
وحگ سدة الكوت وطيبة أهل الكوت
إبخيالي الشعري إلك كل عمري أتبرع
نجاحك ثبت من أول حفل سويت
مثل طبع القصيدة إتعيش بالمطلع
شنو الداخل إبجيبك حتى تتعب هيچ
بس حب العراق إبگلبك إتربع
وبعد عندك رساله وردت بيهه إتگول
الحشد لمن يسولف كلها خل تگطع
ولد إفلان راحو صيفو إباريس
ومثنى إبعمر ورده وحتى لا يركع
إبيجي إبعز ظهاري الصيف چان يروح
على الساتر يحب يستشهد ويرجع
ذكرني بطفولة واحد وتسعين
وبحداث المعارك من چنت أسمع
ما يرضون أقاتل لأن عمري إزغير
فتاخذني الغيره بحرگتي وافزع
أروح أرسم بأديّ عالورق دبابات
وطيارة عدوي وطاگهه المدفع

 

 

 

 

 

 

ادارة المهرجان / الاعلامي باسم الشمري - المهندس حيدر الوائلي      المهرجانات السابقة 2007 | 2008 | 2009 | 2010 | 2011 | 2012 | 2013 | 2014