أذكر جـَدي سولف عن #حِصار_الكوت 
گبل ميـّة سنه #إستعمار بيها إنــذّل

مروراً بالملــوكـــيـه وعـهـد #قاسـم
الثمـانينات والتـســعـيـن والمـحتل

كل هاي الأحداث وغيرها امن أحداث 
واسط بقت مـا بين الــمـدن أجمل

وحگ #عگد_الاكراد و #شارع_المشروع 
وحگ #ساحة_العامل الأبد مــا تـنمل

وحگ #شارع_الگص إبعَشره من عاشور 
الخله الكـَرم من كــثر الكـَرم #يخجل

أدعي إمن الله أملك شاعرية #قـَيس 
ويومــيه أظـل بــولايــتـي أتـغـزل

وأشطب أسم #ليلى البعد أسم مجنون 
وبأسم #مجـنون_واسط أطلب أتسجـّل

و( أقـبـّل ذا الجدار ) الوسط والصوبين 
وبعدها إبكــل قـضاء وبناحيه أتجول

يجوز الماله #بيت يعوضـّه إبيجار 
بــس المـاله دير هــواي يتبـهــذل

شفتها وجربت .. مو عن لسان إفلان 
وبس إهنا عرفت بروحي المدلل

أني وياها من أول #قصيدة شوگ 
واحد على الثاني إحساسنه إمفصل

أخذت إبحبها أول ما قبلت إبهاي 
أريداً كون مركــز حتى گــبل أول

صح إبلا طعم عن الهوه يگولون 
وأني أشتم هوه إمن أولايتي إمهيل

بيها إحساس شاعر من #غني_العمار 
ومن #قاسم_عبد شاعرها المعدل

ومثل ما #كوت_نت إختار أفضل ناس 
حسب حقل الشِعر والعمل والمـثـّل

أريد إبحقل ( من عاشق تراب الكوت ) 
بأن تختار گلبي #العاشق_الأفضل

بأذني ومن أمر أسمعهم يگولون 
هذا #الشاعر إمن ولايته إشحصـّل

ما يدرون أنه إمحصل محبة ناس 
يتمــنـاها #ريــّس_دولـه وإتــخـيل

إذا بالهجري سنة إثمانيه وسبعين 
بنى #الحجاج وأسـّس واسط وكمـّل

أني امن الشعر باني إلها أجمل بيت 
يـتـمــناه يكــتـبـه الشاعـر #الأخطل

متعلم عليها وعندي أدله إهواي 
والرايــد دلــــيل أثـبــتـله .. يــدلل

أبسطهن إذا أعــبر حــدود الكوت 
#فيروز إبذاني أتصــير چـن مقــتل

أمام السده يسقط طول غِصن البان 
وأمام أخدود دجله الورد خل يذبل

الدنيا إتنست إبجنه وأجت الكوت 
وخلي #سويسرا و #باريسهم تزعل

ومو قصة مدح بس بالعشگ قانون 
الحبيب إبعين محبوبه يصير أجمل

حتى إصويحبي إلي سأل عالعنوان 
گـلــتـله وداعـتك مـيتــيـه اليـسأل

يم سابع #ضلع جوه أبهر الشريان 
تلگاها نبـض #كــوتاوي ومـأصـّل

واصيله إبناسها وبشيوخها الطيبين 
وكل ما قسى وياها الزمن تتحمل

وأخيراً أختصرها إبيتها المضمون 
وعلى حب الله أريد أحچيها وأتوكل

الميدگ الخشب من يمر طاري الكوت
يظل مشكول ذمه إبدون لا يزعل